السبت، 27 مايو، 2017

تحليل إعلانات رمضان - إعلان ميجا زبادى بالتوت


من الصعب ان الانسان يقول رأيه فى  حاجه بيحبها ، فما بالك لو الحاجه دى كانت ميجا ايس كريم اللى طورت من نفسها وبقت ميجا بزبادى التوت .. realy I like it  J

لكن خلينا نحاول نشوف الاعلان من وجه نظر محايده شوية
-         الشركة العارضه : نسله ، شركة دايما بتجدد منتجاتها بهدف استيعاب اسواق متعدده، بدأت بالإستحواذ على دولسي وجددتها بأنواع مختلفه لحد ما إعتبرتها تراث الايس كريم فى مصر، وبعد 30 سنه  أنتجت كيمو كونو ، ميجا، إكستريم، كيت كات، وغيرها
-         المنتج :  ايس كريم ميجا الجديد زبادي بصوص التوت وعليه طبقة شوكولاتة بيضاء مقرمشة بطعم التوت
-         الجمهور المستهدف: نسله بتستهدف الأطفال بمنتجات دولسي و كيمو كونو ، أما الكبار بتستهدفهم بميجا ايس كريم
فـ جمهور الحملة المستهدف : مصري ، ولد/بنت ، من 12-60سنه ، اهتمامات متعدده ، بيحب الزبادى والتوت
-         أهداف الإعلان  
o       شعار الحملة : رمضانكم احلى مع ميجا ايس كريم 
o       الرسالة : واضحه، صريحه، غرقانه فى روح البنت .. " وايس كريم ميجا الجديد زبادي بصوص التوت وعليه طبقة شوكولاتة بيضاء مقرمشة بطعم التوت"
o       هدف الحملة :  إعلان تذكيري، هدفه وتعريف وإقناع بمنتج جديد وبالنهايه تنشيط مبيعات بالتحريض المباشر على الشراء
-         الوسيط الاعلانى  (تليفزيون- ويب – راديو – مجله وجريده – لإعلانات الخارجية -مطبوع)
o       الاعلان اتنشر على صفحتها على الفيس بوك يوم الجمعه (ليله رمضان) الساعه 4 العصر
o       وهو نفس الوقت اللى اتنشر فيه على اليوتيوب
o       لسه مش واضح إذا كان ظهر الاعلان على التليفزيون او اى وسيله تانيه او لا
-         الموضوع
o       لسه مش واضح إذا كان دا مجرد إعلان ولا حملة كامله خلال رمضان ، لكن نتمنى إننا نشوف حاجه مختلفه خلال الايام الجايه .. نشوف حملة أشبة بحملة ميجا 2014 وفيه فكره بعيده عن تكرار البنت 
-         استراتيجية الرسالة الإعلانية : إتبع الإعلان إستراتيجيه ربط المنتج بحالة ذهنية إيجابيية (اللعب على الـ  Mood) طول الإعلان بياخدك من الواقع وسايبك غرقان بين الأيس كريم و التوت مع البنت الحلوة وفى الاخر بيقولك دى ميجا زبادى بالتوت
-         مراحل الاعلان الإعلان مر بالمراحل الطبيعيه له ،
o       بدأها بلفت الانتباه بصورة البنت الحلوة بتصحى مع المزيكا
o       أثار إهتمامك بنظرتها للأيس كريم
o       خلق الرغبه عندك فى تجربه المنتج لما عرض تفاصيل الأيس كريم
o       شجع رغبتك فى شراء لما قال "جزء الثانيه 32"
-         مكونات الاعلان
o       القصه
الإعلان استخدم قصه بسيطه جدا ومكرره وهى البنت المستمتعه بالايس كريم ومبسوطه بتجربته وعايشه فى عالم منفصل مع ميجا وبس
القصه اتكررت فى اعلانات ميجا 2014 و 15 و 16 و دلوقتى2017 .. ولو إننا شوفنا فى 2014 افضل اسكربت فى رأيى: انا وميجا و الروقان والاستجمام .. والاعلان"
للأسف كل سنه مستوى الاسكربت بيقل شويه لحد ما وصل للولا حاجه فى 2017
o       المؤثرات الصوتية
إستخدام موسيقي هاديه بيساعد فى دخولك عالم الأيس كريم و إبعادك عن العالم بتاعك ، لكن الهدوء المبالغ فيه للمزيكا فى رأيي كان بزياده لدرجه تخليك تسرح بعيد عن الاعلان
والتعليق الصوتى إستخدمه بهدوء و رزانه كمان مبالغ فيها بالمقارنه بإعلانات الايس كريم اللى بيمدنا
بطاقه وحرية وحركه وحاجات كده
بشكل عام ، فى رأيي إن الموسيقي ضعيفه جدا
o       المؤثرات البصريه
الجرافيك كان بسيط لكن ما فهمتش ايه علاقه السلم بالموضوع او التوت اللى اتحول لشيئ مش مفهوم
الشيكولاته السايحه مكرره جدا
وش البنت أخد تأثير غيرمفهوم الغرض منه وحسيته مستفز
التوت على الايس كريم حركه لطيفه واتقدمت بشكل حلو ، كمان البنت وهى فى شباك المكوك الفضائي
النص التانى من الثانيه الـ 20 إتعمل له جرافيك بشكل هادى وبسيط ومريح للعين باستثناء لقطه البنت وهى بتتكرر
بشكل عام فى رأيى المؤثرات البصريه ضعيفه الى حد ما
o       الشخصيات
ميجا إستخدمت شخصيه واحده لبنت حالمه واثقه فى نفسها عايشه فى مكوك فضائي .. ما إختلفش كتير عن شخصيه ميجا كراميل فى رمضان2016  
o       الإخراج
فى رأيى المونتاج، الاضاءه، تنسيق اللقطات، والمؤثرات كانت كلها ظريفه، وقدرت توصل الهدف من الاعلان ببساطه
o       الميزانية 
الاعلان كان بسيط، بدون شخصيات مشهورة أو مؤثرة، الحملة بدأت فى هدوء ما قبل رمضان، اعتقد ان الميزانيه كانت غير مُكلفة للانتاج
-         تقييم النتائج
o       على صفحه الفيس بوك كان التفاعل: فى أول 24 ساعه حققت ميجا  5الاف لايك، 520 شير و 2400 كومنت ، و على اليوتيوب 160 مشاهده فقط 
ودا معناه 0.5% تفاعل بالمقارنه بعدد المتركين فى الصفحه والقناه
o       لكن سرعه وطريقه الرد على التعليقات كانت إحترافيه بشكل كبير
-          حقيقه المنتج :
o        السعر : ميجا زبادى توت نال السنه دى بـ 6ج ، و هو سعر مناسب بالمقارنه بـ ميجا كراميل وباقى الاطعم اللى بتنزل بنفس السعر بعد ما كانت بـ 5 ج
o        المزايا الحقيقيه : ايس كريم زبادي بالتوت بقى له شعبيه كبيره
فى النهايه .. أنا بحب ميجا ودا لا يتعارض مع رأيى فى الاعلان J


إرسال تعليق

Translate

Related Posts Plugin for WordPress, Blogger...
حدث خطأ في هذه الأداة