الثلاثاء، 9 يناير 2018

بلد الكلام

الكلام ... تقريباً كل حاجه متوقفه على كم الكلام اللى بتقدر تتكلمه بغض النظر عن المجهود اللى بتبذله او اللى مستعد تبذله!

لو كنت بتعرف تتكلم للدرجه اللى تقنع بيها اللى قدامك حتى لو انت مش مقتنع، وحتى لو ماكانش كلامك اصلا، لو بتعرف تخليه يوافقك الرأى ولو عشان يسكتك ، لو بتحب تتكلم وتجيب ف سيره الناس بالسوء عشان تطلع دايماً احسن منهم، لو بتتفنن فى طرق تثبيت البنى أدمين... ف إنت عديت نص مشاكل حياتك، ويبقي من حقك وقتها تاخد درجات زياده.. درجات امتحان،درجات ترقيه، درجات حب، كل الدرجات المتاحه

لو انت الشخص التانى اللى بيحب الإنجاز ومش بيعرف يقول أنا 17 مره فى الجملة الواحده، لو عايز تركز ف نفسك ومش بتحب تتكلم ع اللى حواليك، لو مش بتعرف تعرض مجهودك، لو مش مهتم ان حد يقتنع برأيك ولا لا، يبقي تقيمك هيفضل سيئ مهما عملت او حاولت تعمل، وبدل ماتاخد درجات ع الانجاز هتفضل واقف على نفس درجات السلم العلمى والوظيفي والاجتماعى ومش هتتحرك الا حركات سلحفاه مريضه

الفكره ان دا مش بيحصل فى مصر بس .. كل دول العالم فيها فيها الشخص التانى بمختلف درجاته، درجاته اللى بتبدأ بظروف نشأه وبتنتهى بأمراض نفسيه بتوصل للإنتحار ..



ليست هناك تعليقات:

Translate

Related Posts Plugin for WordPress, Blogger...