بمناسبة يوم المدير العالمي
وبما انى بقالى 4-5سنين بلعب ف منطقة الإداره وسطى (فوقى مدير أو رئيس مجلس ادارة وتحتى تيم مسئوله عنه) ف انا باخد مزايا ومساؤي الـ2 مع بعض المدير والموظف 😅
لكن أقدر أضم صوتى للاصدقاء وأأكد انه مفيش موظف فاشل لكن فيه مدير فاشل، المدير هو اللي يقدر طلع أحسن شغل من الناس اللي معاه او العكس
عشان كده أحب أقولك أشتغل مع مدير:
- بيدور ويحافظ علي الكوادر الكويسة ويعلمهم ويكبرهم مش واخدهم حق مكتسب لاجل مسمي
- بيحترم موظفيه بجد، مش بيعتبرهم اعداء محتملين، الانسانيات مطلوبة في الشغل
- بيشتغل وبيتعلم وبيطور نفسه وايده قبل ايدك ف كل حاجه، مش بياخد اللقطة ويجري
- عنده خطط واضحه وبيحاسب بـ KPIs مش اللى ماتعرفش هو مستنى ايه منك
- اللى بيتشغل مع تيم مترابط، مش ماشى فرق تسد عشان محدش يتفق عليه
- اللى بيحترم وقتك الخاص اللى بتسترد فيه طاقتك عشان تكمل شغل، مش اللى بيعتبرك عبد ولو ما اشتغلتش 25 ساعه ف اليوم يتقمص
- اللى ما بيفرقش معاه مدح او ذم، لانه واثق فى مهاراته وامكانياته ولان مصدر قراراته من عقله والمصالح العامه مش الخاصة
يمكن انا لسه ماقابلتش هذا المدير العظيم، يمكن مش عارفه اكون هذا المدير العظيم .. لكن ادينا بنحاول
ليست هناك تعليقات:
إرسال تعليق