الثلاثاء، 30 مارس 2010

عايزة اشرب سجاير



كنت فى الجامعه و كان فى هناك حمله حياة بلا تدخين
و كانو عاملين اختبار لقياس نسبه تأثير التدخين فى الدم
فقولت انا عايزة اعمل الاختبار دا
انا قولت كده و على اللى اخدته من تريقه و استهزاء من الناس و اولهم اصحابى
- طبيعي يعنى ان كل حد من اللى بيشمه من عوادم و اتربه و تدخين سلبى هيبقي فى جسمه نسبه تلوث .. لكن بردو اعترضو و قالو عيب و بتاع
و فضلت واقفه قدامهم نشوف الاختبارات دى ايه نظامها
ف مشيت بنت و اخدت ورقه من الشباب بتوع الحمله
و اسمعو بقي تهزيق و تريقه الشباب على للبنت

ليه كل دا؟؟؟؟

ايه المشكله ان البنت تشرب سجاير و شيشه كمان؟؟

مش عاجبك ان البنت تشرب سجاير انت كمان ما تشربش
و لا الحلال عليك حرام عليها؟؟
ليه لو البنت شربت سجاره تبقي مش محترمه و لو الولد شربها يبقي راجل؟؟

ليه يا مجتمع متخلف؟؟

انا مش باقول يا بنات اشربو سجاير .. ولا انا عايزة اشرب سجاير
بس بأقول زى ما انت يا راجل بتعتبرها عادة و حريه شخصيه .. ما تحاكمش البنت على شربها
ولو مش عايزها تشربها قدامك ..... يبقي انت كمان ما تشربهاش
لو بتحس فيها برجولتك .... يبقي سيبها تحس فيها بأنوثتها

رغم انى متأكده ان كل دا .......... فى الباى باى


عايزه لما افكر اشرب سجاير .. اشربها قدام الكل .. مش فى الخفاء عشان اعجبكم



اللحمه


فاكرين حاجة أسمها لحمة
لأ مش فاكرين يا خسارة

المسلوقة المشوية
دا انت ذاكرتك جبارة

فاكرة زمان ف شارعنا
كان فى ييجى خمسة جزارة
بيبيعوا اللحمة الفاكهة
زى المانجة السنارة
الحته الواحدة بتعمل
الشربة تشرب حارة

ما خلاص أغلبهم يا ختى
من غلبه قلب عصارة

دلوقتى الشوربة يا مشمش
تشربها بالقطارة

أما اللحمة يا مشميشو
فى الشهر تلف سجارة


الشاعر / حمدى عيد

غرفه مها - لكاتبها ايمن خطاب

غرفه مها دى نوت لقيت حد ما اعرفهوش اسمه ايمن اول مره يكتب كاتبها
بجد جت فى وقتها و عرف يعبر عن شويه من احساسى

عايزة اقوله بجد مرسي يا ايمن
و دى النوت

في ليلة باردة من ليالي كئابتي ****عـُدت إلى المنزل أتصنع إبتسامتي

فهذه أمي وهذا هو عيدها ****ولا أريد أن أثقلها ببلاهتي

أشكو لها وطناً جلبتني له **** ضعيفاً تائهاً سلب مني إرادتي

تركتها ودخلت غرفتي هرباً **** من نصيحتها التي تزيد حيرتي

خلُدت إلى ذلك العالم المُظلم **** الذي أشكو إليه دوماً وحدتي

أشعلت حاسوبي وأضأت شاشتي **** وانتظرت للحظات أشعل فيها سجارتي

فتلك اللعينة جعلتني لا أقبل يد أمي **** خوفاً من أن تؤذيها رائحة سُترتي

تنقلت بين أخبار متشابهه **** أنتـظرُ خبراً يجلب لي فرحتي

وبين نائب يسرق وأقصى يُـهدم **** ولصٌ بعثر ما تبقى لي من كرامتي

لصُ سرق خيرات بلدي ولم يكتفي **** بل أهان من هم دوماً أخوتي

وكعادتي ضحكت ساخراً ونار حزني **** مُشتعله تفتك بكل ما بقي لي من فرحتي

وبين ذاك وتلك رأيت صورة هزت **** كياني كادت تُسقطني من جلستي

صورة لغرفه وكأنها غرفتي **** وفراشٍ مُبعثر تعلو فوقه وسادتي

وكُتب منثوره على الارض وآثار **** تكسير لأدراج كانت تحمل يوماً مُستقبلي

ولكن في الحقيقه هي ليست غرفتي **** هي غُـرفة مها التي لم تصلها يوماً رسالتي

غرفة بنت من بنات جيلي أقصى **** ما أعرفه عنها انها من أعضاء حملتي

سعت بكل ما أوتيت من قوةٍ ****أن تحرك بلادي لتغيير دستور سُلطتي

سُلطة غاشمه أرادت ان تقتل بداخلي **** حلمي في تغيير سلمي آتٍ بقوة إرادتي

سُلطة أنتهكت عـرض بيت أخيتي **** وكسرت يد أمٍ ضعيفةٍ كأمتي

ضربو صغيراً لم أره يوماً ولكن *** ملامحه كملامح أطفالٍ عانو من قسوة بلدتي

يصرخ صائحا في ثورين لم يعرفا **** يوماً للرجولةِ معنىً سوى طاعةِ سُلطتي

ظنو أنهم بذلك يخيفونا أو أنهم **** سيحرموني من أن أرى ضوء شمعتي

لم يجلبو لأمن سُلطتهم سوى العار **** وأشعلو من جديد نار إرادتي

فهذه أختي أنتهكتم حُـرمة بيتها **** وهذه أمي سلبتو منها عزتي

وقسماً بما فعلتم ستندمون على **** ما أحرقتموه بداخلي ولم يطفأه سوى دمعتي

يامن تظنون أنكم فوق حريتنا تصعدون **** لن يشفع لكم يوماً أحداً حتى نعلتي

فلم يعد لدا جيلنا حلمُ سوى الرحمةِ **** من عذاب رؤيتكم تعبثون ببلدتي

تُغرقون بلادي وشعبي بفسادكم **** وتقتلون دوماً بداخلي حلم حريتي

وحتماً سيعود لنا حلمنا وسنغرد **** فوق الأشجار فرحاً بعودة بلدتي

ويا أخيتي لم أرد يوماً أن تكون الكلمات **** هي من تعزيكي عن وأد كرامتي

يا أختاً لكل شريف ويا بنتاً لكل نظيف **** ليس طويلا كذلك الذي أظلم بلدتي

قبلي يد الشريفة أمك وأبلغيها أن *****جُرح يدها حرك بداخلي نار إرادتي وعزيمتي

*******



شكراااااااااااا ايمن

اقتحام امن الدوله لمنزلى

بجد مش عارفه اكتب ايييييييييه؟


النهارده 20-3 و بد ما اجيب لماما هديه عيد الام جبتلها امن الدوله فى البيت
كنت فى الجامعه عى زى اى يوم سبت و كنا شغالين فى التوقيعات عشان ال 3 بنود الموجودين فى الدستور
لقيت ماما بتصل و منهاره و بتسال انا فين و باعمل ايه و مع مين
المهم ان بعد كده حكت اللى حصل بالتفصيل هو دا


الباب خبط - مين - انا صلاح (البواب) - فتحت قام اتنين ظباط مسلحين زقو الباب و وراهم 8 امن دوله ملكى مسلحين بردو و دخلو يسألو فين مها
قالتلهم مها مين؟؟ قالولها اسمى بالكامل - قالتلهم خرجت - فين - معرفش فى لشغل ولا فى الجامعه - فين شغلها؟؟ - معرفش فى مصر الجديده ولا فين - قامو خبطوها بالسلاح اللى فى ايديهم فوقعت على الكنبه و خبطو اخويا الصغير فى راسه و سالو فين غرفتى و دخلو فتشوها و حركو كل حاجه من مكنها و السراير و المكتب و كله
و اخدو ورق كان معايا فى شنطتى لاكتر من جهه و كتب عن استقلال الجامعات و الديمقراطيه و غيرها
و قالولها هنجيبها يعنى هنجيبها
و سابوها فى حاله انهيار كامل و دراعها مجزووووع و مشيو



بعد شويه بابا عرف و كلم عمى ( هو ليه معارف كتييير فى امن الدوله و الاقسام ) و كلمو كل اقسام البوليس و المباحث الموجوده حوالينا لقو ان الامر مش من قسم من الاقسام او المباحث اللى فى اى منطقه حوالينا

مين دووووول؟؟؟؟؟؟؟
خدو الامر من ميييييييييين؟؟؟
ليه مش اخدونى انا على طول بدل الجو دا؟؟؟؟؟؟؟؟
اشمعنى انا و انا اصلا مش باعمل نص اللى بيعملوة ناس كتيييييييير؟؟؟؟

اللى عنده اى تفسير غير انه مجرد تهويش عشان يخوفونا و يخوفو الناس اللى معايا يقوله

حوار بين الشعب و الحكومه

ممكن يا حكومه تعدلى الدستور؟
امشى يا شعب هاطلع الساطور
هما مادتين او تلاته
ولا واحده يا شعب انا غاويه غتاته
بطل يا شعب كلام فالسياسه... See More
حاضر يا حكومه بس بلاش غلاسه
طيب يا حكومه عايزين فلوس
انا مالى يا شعب ادعكو فى الفانوس
طيب يا حكومه موضوع فلسطين
انتو مالكو يا شعب اقعدو ساكتين
امال العيش صغير ليه؟
عشان انتو يا شعب متعودين عليه
وبالنسبه لانابيب الغاز؟
هو انتو اصلا عندكو بوتجاز
نفسى ادفع فاتورة النور
بس يا شعب روح اقف فالطابور
انا عريس وعاوز اتجوز
والبنات كده هاتعنس
بس يا بابا مش فاضين
بناقش سينا هانبعها لمين
d a: بناقش سينا هانبعها لمين
والنبى طيب الجامع الاقصى
بس يا شعب دماغى مش ناقصه
حرام عليكى يا حكومه حرام
بطل سياسه وادخل نااااااااااااااااام

شيخ الازهر بعد ما مات



طبعا و كعاده الشعب المصري المستفز لما بيتكلم على حد فى وشه بيقول كلام و من وراه بيقول كلام تانى خاااالص
و لو سألت واحد رأيك فى فلان ايه و رأى جارك ايه هتلاقيه بيقول رأيين مختلفين تمااااماا

شيخ الازهر بقي
مات من هنا و الناس ما صدقت و بدأو يتكلمو ع الراجل اللى يشتم فيه و اللى يقول اذكرو محاسن موتاكم
بس بصراحه دا اللى انا فكراهوله

1- كان ايد الحكومه اليمين
2- كان منافق
3- غلط فى حق المسلمين و النقاب و لم يعتذر
4- كان بيتبع نظام مبارك فى حب الكرسي
5- الازهر فى عصره فقد عظمته و تاريخه و مصداقيته و عراقته و اصبح بلا معنى او هدف
6- أصدر طنطاوي فتوى تدعو إلي "جلد صحفيين" نشروا أخبار تقول أن الرئيس حسني مبارك مريض
7- مصافحته للرئيس الإسرائيلي شمعون بيريز قي مؤتمر حوار الأديـان الذي نظمته الأمم المتحدة والسعودية بنيويورك و أتت قي الوقت الذى كانت إسرائيل تفرض حصار على غزة
8- صرح طنطاوي أنه من حق المسؤولين الفرنسيين إصدار قانون يحظر ارتداء الحجاب في مدارسهم ومؤسساتهم الحكومية باعتباره شأنا داخليا فرنسيا.[
9- أفتى بعدم شرعية مجلس الحكم الانتقالي العراقي وحرم التعامل معه،
10 - قبل احتلال القوات الأمريكية للعراق أقال طنطاوي الشيخ علي أبو الحسن رئيس لجنة الفتوى بالأزهر من منصبه بسبب ما قيل إنه صرح بفتوى يؤكد فيها «وجوب قتال القوات الأمريكية إذا دخلت العراق، وأن دماء الجنود الأمريكيين والبريطانيين تعد في هذه الحالة حلالا، كما أن قتلى المسلمين يعدون شهداء»
11- علماءالمسلمين بالجزائر: الأزهر لم يعد ضمير الأمة
http://www.youm7.com/News.asp?NewsID=173682

و كله كووم و موقفه من الجدار العازل كوم تانى


و مع كل دا
ربنا يرحم الراجل
بس محدش يزعل من حد لما حد يشتم فى حد يستاهل الشتيمه
و مع ذلك
اذكرو محاسن موتاكم
:D:D

طفل يجيب عن معنى كلمه سياسه

سأل طفل أباه: ما معنى السياسه؟
فأجابه: لن أخبرك يا بني لآنه صعب عليك في هذا السن. لكن دعني أقرب
الموضوع لك..

أنا أصرف على البيت لذلك فلنطلق علي اسم الرأسمالية…
وأمك تنظم شؤون البيت لذلك سنطلق عليها اسم الحكومة…
وأنت تحت تصرفها لذلك فسنطلق عليك اسم الشعب…
واخوك الصغير هو املنا فسنطلق عليه اسم المستقبل…
اما الخادمة التي عندنا فهي تعيش من ورائنا فسنطلق عليها اسم القوى الكادحة
اذهب يا بني وفكر عساك تصل الى نتيجة..
وفي الليل لم يستطع الطفل ان ينام..
فنهض من نومه قلقآ
وسمع صوت أخيه
الصغير يبكي فذهب اليه فوجده قد بال في حفاظته..
ذهب ليخبر أمه فوجدها غارقة في نوم عميق ولم تستيقظ وتعجب أن والده
ليس نائما بجوارها..

ذهب باحثآ عن أبيه.. فنظر من ثقب الباب الى غرفة الخادمة فوجد أبوه
معها
و...................

وفي اليوم التالي قال الولد لأبيه: لقد عرفت يا أبي معنى السياسه..
فقال الوالد: وماذا عرفت؟؟
فقال: عندما تلهو الرأسمالية بالقوى الكادحة تكون الحكومة نائمة في
سبات عميق فيصبح الشعب مهملا تماما ويصبح المستقبل غارقا في القذارة

ابقو قابلونى لو البلد دى اتصلح حالها
عنده حق الولد

لماذا نرفض مبارك و نجله؟؟

اكتر من صديق سألنى لماذا نرفض مبارك و نرفض التوريث؟
و الان سأرد عليكم فى نقاط مختصره جدا

سياسيا

1- لم يستطع مبارك أن يحكم يوما واحدا بدون قانون الطوارئ و استمرت حاله الطوارئ لربع قرن
2-ما يزيد عن 16 ألف معتقل , يخضعون لما عرف بالاعتقال المتكرر
3-استمرار شيوع التعذيب فى السجون والمعتقلات كسياسة ثابتة للحكم ، وتقديم المتهمين لمحاكم أمن الدولة طوارىء التى تفتقر إلى ضمانات المحاكمة العادلة
4-خضوع المدنيين للمحاكم العسكرية
5-تزوير الانتخابات والاستفتاءات العامة, ومنع المظاهرات والتجمعات السلمية .
7-عد الحرب واحتلال العراق وقتل الأبرياء وتعذيب السجناء واقتراف كل الانتهاكات والأهم الفشل في العثور على أي أسلحة دمار شامل المسببة للحرب نجد مبارك يستقبل بسعادة جورج بوش في شرم الشيخ
8-أعلن مبارك أنه لن بمنع السفن الحربية الأمريكية من عبور قناة السويس في طريقها لضرب العراق
9-عندما كان غزو العراق لدولة الكويت سارع مبارك بعقد قمة عربية بالقاهرة واستصدر قرارا بإرسال قوات مصرية لتساهم في تحرير الكويت تحت إمرة الجيش الأمريكي. و بعد 11 سنة وقال إنها غير مفعلة وما هي إلا حبر على ورق ...والحقيقة الواضحة أنه في الحالتين نحن لا تعنينا الاتفاقيات ولكن فقط بقول نعم لأمريكا ....
10- عودة سفير مصر لتل أبيب؟
11 -الحرب الأهلية في جنوب السودان استمرت فوق 20 عاما والبعض من أهل الجنوب أرادوا أن ينفصلوا .. فكيف نرضى بانقسامه وندعم ونستقبل من قتل فيهم الآلاف؟؟-


اقتصاديا-

1-الارتفاع الجنونى للأسعار بعد تخفيض قيمة الجنيه المصرى ودخول الازمة الاقتصادية
لذلك نقول لا.. لا لمبارك
2- وصول عدد الفقراء في مصر الذين يعيشون تحت خط الفقر بحجم إنفاق دولار فيما أقل في اليوم من 16.7% إلى نحو 20% من السكان
3- زيادة العلاوة الاجتماعية تقابلها فورا ارتفاع أسعار بعض السلع وفرض ضرائب جديده
4- بلغت نسب كل من الإنفاق الاجتماعي نحو 41%وخدمة الدين العام نحو 25% والذي بلغ في موازنة 2007/2008 نحو 52 مليار جنيه مصري
ولم يبق للاستثمار الحكومي سوى نسبة تتراوح بين 7% و9% من حجم الإنفاق العام، تتجه للإحلال والتجديد أو الصيانة ولا تشمل تكوين استثمارات حكومية جديدة،
وإذا ما نظرنا لنسبة الاستثمارات الحكومية كنسبة من الناتج المحلي الإجمالي لعام 2006/2007 لوجدنها نسبة شديدة التدني حيث تصل لنحو 3.5%.
5- تخلت الحكومه عن المعدلات الإيجابية للوصول بحجم العجز في الموازنة العامة للدولة لنحو 1% في عام 96/1997، واتجهت لزيادة العجز في الموازنة لمعالجة حالات الركود التي مر بها الاقتصاد حتى بلغ العجز في الموازنة نحو 10% خلال العام المالي 2004/2005 ونحو 7.5% في عام 2006/2007 من قيمة الناتج المحلي الإجمالي
6- عرف الدين العام المحلي معدلات عالية بلغت قيمتها نحو 637.1 مليار جنيه في نهاية يونيو 2007 بعد ما كان نحو 329.7 مليار جنيه في عام 2002، أي أن قيمة الدين العام المحلي تضاعفت خلال خمس سنوات


اجتماعيا

1-زياده عدد العاطلين بنحو 1.78 مليون عاطل في بداية 2002 بمعدل 9.1 %
2-زياده مدل العنوسه لدى الجنسين حيث وصلت الى 13 مليون فرد تخطو سن الزواج
3- اموال التأمينات تذهب هباءا : حيث بدأ التفكير بالاقتراض الداخلي بدلا من الخارجي، وقد بلغت نسبة متوسط موال التأمينات للدين العام خلال السنوات الخمس الأخيرة 44.6%د
4- إلغاء وزارة التأمينات الاجتماعية وضمها لوزارة المالية
5- انتشار الامراض و الاوبئه و عدم دخول المياه و المجارى لمناطق كثيرة داخل القاهره و خارجها
6- انتشار المخدرات و عماله الاطفال و اطفال الشوارع
7- عدم جديه التعليم و المناهج التعليميه و اهمال المدارس الحكوميه

تعليميا

1-عدم كفاية المباني المدرسية لاعداد الطلاب
2-تدني مستوي العلاقة بين المدرسة والاسرة
3-انخفاض مستوي القائمين بالتدريس وخاصة في المرحلة الابتدائية
5 -عدم وجود سياسة تعليمية ثابتة وواضحة وطويلة الامد
6-تدني العائد المادي للقائمين بالتدريس
7- عدم ملائمة المناهج الدراسية لاحتياجات المجتمع
8-غياب التنسيق بين القائمين علي امر التعليم بمختلف مراحلة (ابتدائي -اعدادي -ثانوي -ث فني -عالي
9- عدم ملائمه المناهج التعليميه لما يجده الطالب و يستلزمه فى سوق العمل

Translate

Related Posts Plugin for WordPress, Blogger...
حدث خطأ في هذه الأداة