اقتحام امن الدوله لمنزلى

بجد مش عارفه اكتب ايييييييييه؟

النهارده 20-3 و بد ما اجيب لماما هديه عيد الام جبتلها امن الدوله فى البيت
كنت فى الجامعه عى زى اى يوم سبت و كنا شغالين فى التوقيعات عشان ال 3 بنود الموجودين فى الدستور
لقيت ماما بتصل و منهاره و بتسال انا فين و باعمل ايه و مع مين
المهم ان بعد كده حكت اللى حصل بالتفصيل هو دا

الباب خبط - مين - انا صلاح (البواب) - فتحت قام اتنين ظباط مسلحين زقو الباب و وراهم 8 امن دوله ملكى مسلحين بردو و دخلو يسألو فين مها
قالتلهم مها مين؟؟ قالولها اسمى بالكامل - قالتلهم خرجت - فين - معرفش فى لشغل ولا فى الجامعه - فين شغلها؟؟ - معرفش فى مصر الجديده ولا فين - قامو خبطوها بالسلاح اللى فى ايديهم فوقعت على الكنبه و خبطو اخويا الصغير فى راسه و سالو فين غرفتى و دخلو فتشوها و حركو كل حاجه من مكنها و السراير و المكتب و كله
و اخدو ورق كان معايا فى شنطتى لاكتر من جهه و كتب عن استقلال الجامعات و الديمقراطيه و غيرها
و قالولها هنجيبها يعنى هنجيبها
و سابوها فى حاله انهيار كامل و دراعها مجزووووع و مشيو

بعد شويه بابا عرف و كلم عمى ( هو ليه معارف كتييير فى امن الدوله و الاقسام ) و كلمو كل اقسام البوليس و المباحث الموجوده حوالينا لقو ان الامر مش من قسم من الاقسام او المباحث اللى فى اى منطقه حوالينا

مين دووووول؟؟؟؟؟؟؟
خدو الامر من ميييييييييين؟؟؟
ليه مش اخدونى انا على طول بدل الجو دا؟؟؟؟؟؟؟؟
اشمعنى انا و انا اصلا مش باعمل نص اللى بيعملوة ناس كتيييييييير؟؟؟؟

اللى عنده اى تفسير غير انه مجرد تهويش عشان يخوفونا و يخوفو الناس اللى معايا يقوله

بس على فكره عايزة اقول حاجه
مهما عملو انا هافضل اقول ان حررررررررره
و مش بخاف و هاعمل اللى انا عايزاه طالما مقتنعه باللى باعمله
و نظام التهويش و قانون الطوارئ الغبى دا واخدين عليه ف مش هيأثر معايا
لان اللى حصل دا غير قانونى نهائيا و موقفى انا كمصريه بادافع عن بلدى هو دا القانونى


مها الخضراوى


المهتمين بالحادث

http://www.dostor.org/politics/egypt/10/march/22/10455

http://www.tolabmasr.tk/

http://6april.org/modules/news/article.php?storyid=933

http://www.youm7.com/News.asp?NewsID=204412&SecID=97&IssueID=0

http://www.youm7.com/News.asp?NewsID=204421

http://ikhwanonline.com/Article.asp?ArtID=62210&SecID=304

http://forums.fatakat.com/thread552179

http://www.anhri.net/?p=2950

http://news.egypt.com/arabic/permalink/326075.html

http://www.sh2esy.com/vb/t96558.html

http://hawadethonline.com/index.php?option=com_content&view=article&id=3761:2010-03-22-18-00-27&catid=25:2009-09-13-08-06-26&Itemid=38

http://omraneya.net/node/117586

http://egyptianoppression.blogspot.com/

http://www.facebook.com/?page=1&sk=messages&tid=1355861212110#!/notes/fatma-serag/stmrran-llmlqt-lmny-lllb-mn-ldwl-yqtm-mnzl-lb-bjm-yn-sms/410418886214

http://baydena.blogspot.com/2010/03/blog-post.html

http://afaqeg.com/oldsite/2990

http://afteegypt.org/index.php?newsid=87