السبت، 26 مايو، 2012

شفيق ومرسى وخانة اليك

رغم إحساسى بأن هتحصل مفاجأه فى إعلان النتيجه يوم الثلاث تغير كل النتائج المعلنه دى ، إلا إنى مش عارفه أسكت على النتيجه الشبه نهائيه دى وخلاص هيجيلى شلل .. ليه بقى ؟ 

لأن إحنا شعب غبى إنقســم اتنيــن .. جــزء بيقول نقف جنـب شفيق وجزء بيقول نقــف جنــب مرســي ..!!
وده لأن ناس شايفاها حـــرب بين الدولة المدنية .. و الدولة الدينية
و نــاس تانية شــايفاها .. حــرب بين الثــورة .. و الثـــورة المضــادة

لكــنها في الحقيـــقة حــرب وهميــة .. صورها لهم مجلس العــسكر
لأنها .. مش اكتر من حــرب بيــن الخـــازوق ده .. و الخـــازوق ده

عمر مايكون بديلي لمرشح النظام هو مرشح حركة رجعية اقرب للثورة المضادة منها الي الثورة.. ومحدش يجنني ويقولي الاخوان احسن من الفلول الاختياريين اسوأ من بعض بكل المقاييس و محبطين لامال الجماهير.... وبردو فخورة ان إختيارى كان لـ خالد على




اختارو ما بين الموت بسيف المرسي او برصاص شفيق .. اما نحن فاختارنا الحياة ..




 إنجازات الشفيق أحمد فريق التي يخفيها الاعلام تهامات فساد بلغت 35 تهمة، تم دفنها بمعرفة العسكر

1- المطار الجديد تم اسناد عمليات انشاؤه الى شركات تابعة لمجدي راسخ ومحمود الجمال واصدقاء احمد شفيق للامر المباشر بأرقام فلكية حيث تكلف اكثر من 3.3 مليار جنيه بقروض من البنك الدولي
2- خسائر تشغيل المطار الجديد 500 مليون جنيه
3- الشركة المشرفه على المطار الجديد هي شركة ساف قامت بإنشاء مطار اتاتورك بتركيا هو 3 اضعاف مطار القاهرة بدون قروض وبنظام BOT لمده محدودة وبدون تحميل الدولة التركية أي أعباء او خسائر
4- قام احمد شفيق ببيع 500الف متر من اراضي المطار لرجل الاعمال فهمي الشوبوكشي بسعر 1 جنيه للمتر . وكذلك 4الاف متر لشركة مارسيم العالمية لبناء فندق بالمطار الجديد بالامر المباشر وبدون مناقصه بسعر 1جنيه للمتر وهذا الفندق لفهمي الشوبوكشي حصته 50%
5- قام احمد شفيق ببيع 1مليون متر لوجدي كراره برسم اشغال 1جنيه للمتر بزمام وزارة الطيران المدني
6- قام احمد شفيق بصفته رئيس مجلس امناء مارينا بمنح وجدي كرارة حق استغلال فندقي بمارينا مقابل مليون جنيه سنويا ( علما انهما يحققان من 50 الى 60 مليون )
7- قام ببيع الطائرات المملوكة لمصر للطيران واستبدالهما بطائرات غير مملوكة لمصر للطيران بنظام الشراء التشغيلي ومرهونه بإصول مصر للطيران وقام بإدراج الطائرات المباعة على انها ايرادات للتغطية على خسائر الشركة (580 مليون جنيه )
8- قام ببناء ممر رابع وبرج مراقبة جديد بمطار القاهرة تكلف مليار و 250 مليون جنيه مع ان كثافة حركة طيران مطار القاهرة لا تستدعي ( على سبيل المثال مطار هيثرو كثافة حركة الطيران فيه 5 اضعاف مطار القاهره به ممران فقط)
9- قام شفيق ببناء مول تجاري امام صالة 3 تكلف 100 مليون جنيه لم يحقق اي ايرادات وفشل المشروع وتم تحويل المبنى لكافيهات ومحلات مغلقة . وقام بنفس الامر في شرم الشيخ وتحول المبنى لمخزن لتجميع عفش الركاب بتكلفة 40 مليون جنيه
10- يتم حاليا انشاء مترو بين مطار رقم 1 ومطار رقم 3 بتكلفة 250 مليون جنيه رغم ان حركة ركاب الترنزيت والمسافة بين المطارين لاتستدعي وهذا اهدار للمال العام حيث تم الايحاء من قبل شركات عالمية غير متخصصه بإمكانية تحويل مطار القاهرة الى مطار محوري ولم يضعوا في دراستهم وجود مطارين محورين في المنطقه وهما دبي ونيروبي بإمكانيات هائلة والهدف من هذا اظهار شفيق انه انشأ مطار عالمي. ولم يتساءل احد تكلفة اقامة عائلة شفيق بباريس 12 يوم 600 الف جنيه وهذا الامر تكرر عشرات المرات
11- يمتلك شفيق قصر بالتجمع الخامس وقصر بمارينا تم تخصيصهم من قبل وزير الاسكان السابق محمد ابراهيم سليمان وكذلك قصر بباريس
12- قام احمد شفيق بإنشاء طريق بين التجمع الخامس ومطار القاهرة لخدمة سيادته بحجة خدمة الركاب القادمين من التجمع والمدن الجديدة بتكلفة 120 مليون جنيه
13- قام احمد شفيق بتعين اكثر من 600 لواء وعميد متقاعد بمصر للطيران بلغت مرتباتهم الشهرية 9 مليون جنيه
14- قام بنقل 3 من المقربين له بالعمل بالخارج كمديرين لمصر للطيران وهم (محمد الكردي و عبدالحميد شلبي و احمد البلتاجي ) بلغت مرتب كل واحد اكثر من 20 الف يورو شهريا




إزاى انتخب اللى خانو الثورة و قعدو مع سليمان و العسكر فى ال18 يوم ثورة
ازاى انتخب اللى كانو بيحتفلو 25 يناير مع العسكر
ازاى انتخب اللى قالو الداخليه قالت مفيش خارتوش
ازاى انتخب اللى استحلو دمنا فى احداث مجلس الوزراء 
ازاى انتخب اللى وقفه قدامى زى عساكر الامن المركزى من شباب الاخوان عند مجلس الشعب 
ازاى انتخب تجار الدين وهم يحللون كل شىء لنفسهم وكل من يخالفهم كافر
ازاى انتخب جماعه الجماعه عندها اهم من مصر
ازاى انتخب ناس هم السبب الحقيقى لضياع الثورة 
ازاى انتخب الاخوان وهم الشوكه الحقيقيه فى ظهر الثور
مش ممكن حنتخب شفيق بس مش حانسى تعاليهم و غرورهم و استحواذهم على التآسيسية و احتياجهم للقلة المنحلة اللي زيينا لما يتزنقوا بس
-  مش حنسى لما سابوا الناس تموت في محمد محمود عشان يجروا على الانتخابات
-  مش حنسى لما استعملوا الدين لشيطنة اي حد وقف ضدهم وسكتوا كل اللي اتكلم ضد الجيش و الداخلية في البرلمان
-مش حنسى النائب اللي عيط على ابنه و طلع مع يسري يكرر نفس نظريات المؤامرة بتاعة عكاشة
- مش حنسى مسمى جمعة القطيعة و بانديتا و لما باعوا الالتراس بعد بورسعيد و ميليشياتهم اللي وقفت قدام مجلس الشعب
- مش حنسى صفوت و شقة العجوزة و زحف العمائم و انتخاب مرسي جهاد،ومنال ابو الحسن بتقول عليه مدعوم من الله





الغريب أن هؤلاء الذين يقولون أن فوز أحمد شفيق سوف ينهى الثورة "وهذا صحيح " وكأن فوز محمد مرسى الاستبن لن ينهى الثورة "وهذا شىء مؤكد"..


قامت حمله حمدين بمبادرة أحببتها وأراها ملاذا إلى حد ما .. اتمنى مشاركة الجميع بها فى محاوله مننا لإستكمال ثورتنا بسلمية  .. وإن لم تكن بالقانون فالميدان ينتظرنا

{ ذا أردت أن تنقذ الثورة منالالتفاف عليها ، ساعدنا فى اثبات التجاوزات والمخالفات قبل عصر السبت26/5/2012
أرسل لنا أى فيديوهات أووسائل اتصال بشهود على التجاوزات
إذا علمت انه الكشوف الانتخابية كان بها أسماءلأشخاص متوفين
إذا علمت أن لجنة انتخاب كان بها أصوات لرجال الشرطة أوقوات مسلحة
إذا رأيت أو تعلم عن شاهد على تزوير ، تصويت جماعى ،تسيب حدث فى لجنة ،تسويد بطاقات أو ان اللجان تم اغلاقها قبل ميعادها أو أن أحدالموظفين الكبار أو الضباط اختلى برئيس اللجنة
إذا علمت ان الاقبال على لجنة كان أقل من الأصوات الكثيرةا لتى أعلن عنها
إذا علمت ان هناك أصوات تم شراؤها أو ورق تصويت وجد خارج اللجنة أو تعلم عن شخص لديه ورقة تصويت
إذا اكتشف أحد أنه عندالتصويت وجد البطاقة التىسيدلى فيها بصوته عليهاعلامة تصويت لأحد المرشحين

فى النهاية  إن كان الخيار بين أحدهما فقط ستكون الإجابة :



ملحوظة : ما جبتش ولا كلمه من عندى .. كل البشر اللى بتفهم بتقول نفس الكلام .. ببساطه لأنها حقائق

إرسال تعليق

Translate

Related Posts Plugin for WordPress, Blogger...
حدث خطأ في هذه الأداة